TÆKI Scanmar á Íslandi
Scanbas 365 brúarkerfið fær góðar viðtökur V
eiðarfæranemar og veiðistýringarkerfi norska fyrirtækisins Scanmar hafa verið snar þáttur í góðum árangri í togveiðum hér við land í áratugi en í ár eru 40 ár síðan fyrirtækið var stofnað. Í upphafi greindu nemarnir fyrst og fremst aflamagn í veiðarfæri en síðan hefur orðið mikil þróun á þessum búnaði og þeim upplýsingum sem skipstjórnendur fá frá kerfinu. Scanmar steig stórt skref á þessu sviði fyrir rúmum tveimur árum þegar ScanBas 365 brúarkerfið kom á markaðinn en með því varð gjörbylting á framsetningu upplýsinga frá nemakerfinu og notendaviðmóti skipstjórnenda.
Afar jákvæð reynsla „Við þróun á þessu nýja kerfi var lagt upp með að einfalt væri fyrir notendur að vinna með ScanBas 365 kerfið og ég held að það hafi tekist, a.m.k. er ekki annað að heyra frá okkar viðskiptavinum. Afar einfalt er að læra á ScanBas 365 og menn þurfa ekki að vera útskrifaðir tölvunarfræðingar til að geta unnið á það. Reynslan er bara á einn veg; afar jákvæð,“ segir Þórir Matthíasson hjá Scanmar á Íslandi. Með einföldum hætti getur skipstjórnandi kallað fram þær upplýsingar sem þarf til að fylgjast með veiðihæfni veiðarfærisins hverju sinni. Fyrir skipstjórnendur er lykilatriði að fá sem besta yfirsýn á allar þessar upplýsingar í einu og sama kerfinu og það er einmitt hlutverk Scanbas 365 brúarkerfisins. Ný viðbót fyrir nótaveiðar „Hver notandi hefur sinn aðgang í kerfinu og býr til sínar eigin skjámyndir. Það finnst mönnum mikill og góður kostur. Þá eru allir litir í kerfinu sérvaldir með tilliti til þess að auðveldara sé að horfa á skjáinn í langan tíma. Einn af stórum kostum er að kerfið býður upp á mörg tungumál og þar með talið íslensku, sem skiptir miklu máli,“ segir Þórir en nýjasta viðbótin í kerfinu er umhverfi fyrir nótaveiðar sem gerir skipstjórnendum kleift að fylgjast vel með nótinni í köstun. „Þetta er athyglisverður valkostur fyrir uppsjávarskipin sem algengt er að veiði bæði í troll og með nót.“
Yfirlitsmynd úr ScanBas 365 fyrir nýjustu viðbótina, veiðar með nót.
Víðfeðmar upplýsingar frá Scanmar nemakerfinu. Hér er veitt með tveimur trollum.
Taka eldri brúarkerfi upp í ný Einfalt er fyrir þá sem eru með eldri gerðir brúarkerfisins frá Scanmar að skipta yfir í það nýja. „Við bjóðum viðskiptavinum okkar sem vilja uppfæra í ScanBas 365 sérstakt tilboð þar sem við tökum gamla búnaðinn upp í þann nýja. Fljótlegt er að framkvæma uppfærslu sem þessa sem tekur yfirleitt ekki meira
52
en dagpart í framkvæmd. Þeir fá nýja kerfið þannig á mjög hagstæðu verði,“ segir Þórir og bætir við að kerfið sé í stöðugri þróun og reglulega komi uppfærslur með ýmsum betrumbótum og breytingum. Uppfærslur eru sendar út á netið til viðskiptavina sem geta hlaðið þeim niður, sér að kostnaðarlausu.
