|
FÓLKIÐ Í SJÁVARÚTVEGI Magnús Þór Róbertsson
„Engir tveir dagar eru eins“ É
g hef starfað við landvinnslu sjávarútvegs meira og minna í 35 ár og unnið mörg störf á því sviði. Hlutverk mitt hjá félaginu hefur breyst mikið í gegnum árin og nýjar áskoranir hafa leitt mig í núverandi starf,“ segir Magnús Þór Róbertsson, rekstrarstjóri Brims á Vopnafirði þar sem félagið rekur fiskimjölsverksmiðju og uppsjávarvinnslu auk þess að sinna hinum ýmsu vinnsluverkefnum tengdum bolfiski á milli vertíða.
Fjölbreytt, spennandi og gefandi „Fyrir utan daglegan rekstur felst starf mitt m.a. í að halda utan um starfsmannamál, vinna að vinnslu- og fjárfestingarverkefnum, hafa samskipti við birgja og þjónustuaðila auk fjölda annarra verkefna,“ segir Magnús og bætir við. „Starfið er fjölbreytt, spennandi og mjög gefandi. Ég hef kynnst mörgu góðu fólki á þessum tíma og hef verið lánsamur með frábært samstarfsfólk í gegnum árin.“ Starfið er breytilegt og sífellt ný verkefni sem taka við þegar öðrum lýkur. „Um mánaðamótin september/október kláruðum við makríl- og síldarvertíð sem gekk vel, við byrjuðum í kringum 18. júní og gekk vel að manna starfsstöðina með góðu fólki,“ segir Magnús um áskoranir síðustu mánaða. „ Nú tekur við veiði á kolmunna sem fer að öllu leyti til bræðslu. Síðan krossar maður fingur og vonast til þess að við fáum loðnuvertíð sem væri kærkomin fyrir fyrirtækið, starfsfólkið og samfélagið í heild,“ bætir hann við. Hröð tækniframþróunin Hann segir að núverandi ástand í samfélaginu hafi haft áhrif á störf þeirra. „Ég get vissulega viðurkennt að ástandið tengt Covid veirunni var stressandi á meðan vertíð stóð yfir þar sem að smit í
ÆGIR Í 115 ÁR
Magnús Þór Róbertsson, rekstrarstjóri Brims á Vopnafirði, hefur starfað í sjávarútvegi í 35 ár.
svona litlu samfélagi er fljótt að setja allt í uppnám. Starfsfólkið okkar stóð sig hins vegar með prýði hvað varðar að fara að tilmælum og allt hefur gengið að óskum hingað til og ber að þakka það,“ segir Magnús. Á undanförnum árum hefur tækniframþróunin á þessu sviði verið gríðarlega hröð í vinnslubúnaði. „Í uppsjávarhlutanum hefur búnaðurinn þróast eins
Í gegnum söguna
1964 – Landhelgismálið Hinn 11. marz 1961 voru merkileg þáttaskil í sögu landhelgismálsins. Eftir rúmlega 30 mánaða harða baráttu, þar sem brezka flotanum var oft beitt óvægilega gegn vanmegnugum varðskipum íslendinga og oft mátti litlu muna, að af hlytist tjón, sem aldrei yrði bætt, tókst að gera samning, sem leysti þessa deilu við Breta fyrir fullt og allt. Frétt, mars 1964.
96
og annarsstaðar en fyrst og fremst hafa vinnslurnar verið að stækka. Helsta breytingin felst þó ekki síst í nýjum og öflugum skipum sem standa mun framar þeim gömlu í kæligetu og meðhöndlun hráefnis,“ segir Magnús og bætir við að það skipti öllu máli fyrir þeirra starfsemi að fá sem best hráefni að landi. Spurður um hvað geri sjávarútveginn að heillandi starfsumhverfi stendur ekki á svari hjá Magnúsi. „Síbreytilegt vinnuumhverfi með nýjum áskorunum þar sem engir tveir dagar eru eins. Brim er framsækið, metnaðarfullt og að mínu mati vel rekið fyrirtæki með gríðarlegan mannauð innanborðs á öllum sviðum. Það gerir að verkum að gaman er að mæta í vinnu og takast á við þau margvíslegu verkefni sem fylgja slíku vinnuumhverfi,“ segir hann að lokum.
